Apple 剛剛發佈咗 iPhone 12，兩個系列四部機，全部支援 5G 網絡。相信網絡商都想用 iPhone 推客上 5G。今日，3 香港就急不及待，公佈佢哋嘅 iPhone 12 月費計劃。與此同時，公佈埋佢哋嘅 5G 覆蓋，個 Coverage 聽起上來都好勁，有想爭贏其他網絡商嘅之感。
全港 99% 有 5G 覆蓋
3 香港是香港其中一間，係四月一日推出 5G 嘅本地網絡商。不過，當時嘅覆蓋，真係唔多見得人。最近，其實版主 Keith 講過好多次，佢哋學咗數碼通玩「3G / 4G 變 5G」，早喺九月中，已開始將 2100 (2.1GHz) 頻段改為 5G 使用，今日佢哋宣佈十月底完工。有課金我哋 Patreon 收費頻道都知，我哋講解過，香港 5G 有兩層覆蓋，3 香港今日公佈，兩層覆蓋，令佢哋係十月底，做到「全港網絡 5G 覆蓋達 99%」，當中包括港、九、新界近 600 個室內、外人氣鼎盛人流熱點，涵蓋主要高速 公路、大型商場、商廈、醫院、大學及酒店等。值得留意係，係現時 5G 技術，第一、二層 5G 覆蓋，係唔可以一齊咁用，而事實上，可以個幾月，做到 99% 覆蓋，好靠「3G / 4G 變 5G」。有關乜叫做第一、二層 5G 覆蓋，「3G / 4G 變 5G」即係點變身，文章低下就有 Patreon 收費內容連結。
▲ 九月中，版主 Keith 己報導過，3 香會用 n1 頻譜 (2100 / 2.1GHz) 由 3G / 4G 改為 5G。
▲ 3 香港覆蓋圖。
▲ 室內有 5G 地方。
iPhone 12 月費公佈
此外，3 香港亦公佈佢哋嘅 5G 月費。5G 機王 SIM 月費計劃 $288 起，每月另加$58，變為無限上網 （FUP 後變 4.5G 全速)，更送 $2,000 手機現金券，可以用來扣減係 3 買嘅 iPhone 12 系列機價。另外，3 推出「優化網絡客戶報料機制」，3 客戶提供網絡連接欠佳嘅地點，每個地點首位報料客戶，將可獲得包括豁免一個月服務月費的獎賞。
▲ $288 30GB 是新嘅 5G 月費，收費平咗，用嘅 data 少咗。
▲ 可以加 $58 升級 4.5G 全速任用。再送 $2000 手機現金券，可以用來買 iPhone 12。
▲ 用 HSBC 信用卡 交月費，送你 33% 上網 data。
▲ 新增六家「3 香港@豐澤」店中店，預期年底增至 26 家。
「3G / 4G 變 5G」？「第一、二層 5G 覆蓋」立即 Click 入 ePrice 收費 Patreon 頻道 Smarttech HK 課金 US$6 有 iPhone 12 5G 專題：包括「香港 5G 網絡簡介」、「升唔升級 5G 計劃」「香港四大 5G 網絡商評價」、「5G 上網最差情況上網速度會係點」、「教你 Check 5G 覆蓋」。立即課金，十月份內可睇盡全部內容，為 iPhone 12 入手作預備。
按呢度有更多 iPhone 12 系列相關文章多謝支持 ePrice.HK
轉載自: