5G 推出數月，仲有好多網友會問：「5G 對我有乜用？好多用開嘅功能 4G 都用得到。」不過，若果你真係試過用5G手機配 5G 上網，喺打機及睇片嘅部份，我都好肯定用過一定返唔到轉頭。唔信？等我哋試畀你睇！
講起 5G，相信唔少網友會想到，上網快咗囉。速度高當然係重點，但大家要記住，5G 另一個賣點係低時延，即係爽啲啦，用係打手機 Game 代表反應會快咗，出招特別醒神。用係睇片度，代表唔駛 buffering 咁長時間。想知有幾正，一齊睇睇。
001: 即興下載 Game
剛剛去 3 香港入手 iPhone 12 Pro Max，順手轉埋 5G 計劃。新手機都未玩熟，朋友就同我講要組隊玩《新火鳳燎原 – 亂世英雄》。唉，我喺街呀，搵唔到高速 WiFi 呀！唔係喎，我咪用緊 5G 囉！立即上 App Store 下載！嘩嘩嘩，成個game 有 1.7GB 咁大架，咁大嘅檔案，到底用 5G 下載有幾快先？
▲ 用 5G 下載《新火鳳燎原 – 亂世英雄》（右），大約分零鐘就完成下載連安裝。唔駛朋友久等，正！002：反應快，打機爽
喺街打手機 Game，最慘係手機網絡唔爭氣，明明出招在先，結果係我先中招，俾人「屈線」。原來，轉咗用 5G 網絡打機反應會好好多。點解？因為喺 5G 網絡，時延會低咗。以手機 Game 為例子，由你按掣嗰下，去到遊戲嘅實際反應，都會快咗。唔好睇少呢幾毫秒之差，由撳掣出招至對方接招之間，呢幾毫秒足以分出高下。
003：睇片段更清楚流暢
除咗打機，平時用手機做得最多嘅，就係睇片。上 Facebook 睇直播、去 IG 睇 Stories、仲有 YouTube 同埋 Netflix。不過，時間有限，去到悶位就要「飛片」。以前用 4G，「飛片」係一件好慘嘅事，因為要等等等，等到冇晒癮。用咗 5G，成件事唔同晒，都係因為 5G 時延低呢個優點，連串流短片嘅 buffering 時間都短咗，「飛片」做到差不多即時有反應，悶位即飛，慳番唔少時間，追多兩套劇集，原來時間係可以咁樣賺返嚟。
▲ 喺出名繁忙嘅旺角站港鐵車廂睇 YouTube 片搵吓新game，都可以光速回帶及 Fast Forward，正呀喂。
004：搭港鐵無有怕
以前搭港鐵，手機可以上到 Facebook、覆到 WhatsApp 已經偷笑。轉咗 5G 情況唔同晒，好似喺出名多人嘅旺角站月台同港鐵車廂播片，畫面超清之餘又沒有窒格，最重要是將時間軸拉來拉去，幾乎放手即播，同喺地面去用 5G 嘅情況無乜分別。可見加陣 5G 喺港鐵嘅覆蓋，已做得相當唔錯。
屈機5G : 最強5G網絡 99% 全港覆蓋
講咗咁耐，小編用緊邊嗰網絡商咁正！我用緊 3 香港嘅 5G 服務呀！
睇完小編用 5G 打手遊有幾無敵，其實都要有全面覆蓋先至更有用。目前 3 香港 嘅 5G 網絡已達 99% 全港覆蓋，由經常去嘅地方，去到新界偏遠少少嘅角落都可以用得到。乜唔係話四月先開 5G 咋咩，短短幾個月，點做到咁廣泛嘅 5G 覆蓋呢？等小編同大家講解一下。
重耕 B1 (2.1GHz) 頻譜，快速提供 5G 訊號
香港嘅流動通訊網絡於 3G 及 4G 年代均以短時間達成全面覆蓋。呢啲亦成為咗 5G 年代發展嘅重要基石。網絡商只需喺基站作簡單嘅硬件及軟件升級，即可重耕 4G / 3G 使用的 B1 (2.1GHz) 頻譜，以 N1 (2.1GHz) 頻譜為用戶提供 5G 覆蓋。呢次重耕頻譜、5G 升級，就連最棘手嘅室內覆蓋都可以極速搞掂，事關N78 (3.5GHz) 需要逐個基站重新鋪設，非三扒兩撥可以完成。喺香港咁多間網絡商之中，3 香港用咗極短時間內完成 B1 (2.1GHz) 頻譜重耕，提供最強 5G網絡 99% 全港覆蓋的服務。
兼備 N78 (3.5GHz) 頻譜為高人流地帶擴容
另外，網友應該對黃金頻段 N78 (3.5GHz) 有所聽聞，但點解無啦啦又爆個 N1 (2.1GHz) 出嚟提供 5G 服務？是咁的，由目前市場上嘅器材及技術來說，透過重耕 B1 (2.1GHz) 頻譜以提供廣泛嘅 5G 覆蓋，為最可行及最有效率的方案，而通常 N78 (3.5GHz) 頻譜比較適合優先鋪設於人流及數據流量密集嘅地帶。以 3 香港為例，現時喺最高人流嘅 30% 地點以 N1 (2.1GHz) 同 N78 (3.5GHz) 雙頻段提供 5G 服務。加上N78 (3.5GHz) 嘅覆蓋將持續增強，故隨著 5G 用戶數目遞增，3 香港嘅 5G 網絡將提供充裕網絡容量，以確保用戶得到更好嘅 5G 服務體驗。
頻譜資源充足 15MHz 專屬 5G 頻譜
有電訊商則利用動態頻譜（DSS）技術，將 4G + 5G 兩個制式共用於同一段頻譜之上。雖則可同時照顧 4G 及 5G 用戶，但原來呢個方法未能最有效用盡頻譜資源，情況就好似搭枱食飯咁，大家都要就住就住。3 香港加上有B40 (2.3GHz) 頻段等充足頻譜資源，故可選擇以 15MHz 專屬頻譜提供 5G 服務，呢 15MHz，喺大部份地方都係由 5G 用戶尊享，畀得 5G 月費，配有專用嘅 5G 頻譜，上網體驗好咗，咁至係物有所值。
N1 + B8 = Apple及Samsung手機最佳 5G 體驗
唔好以為手機支援N1 (2.1GHz) 就可以用得爽快，原來 N1 (2.1GHz) 需要結合另一 LTE 網絡，例如 B8 (900MHz) 或 B3 (1800MHz) 才可發揮協同效應。又原來，目前市面上 Apple 同 Samsung 兩大品牌嘅手機支援 N1 + B8 呢個組合，網絡商方面，唔使我講你都會估到其中一間有齊 N1、B8 同 B3 嘅就係 3 香港啦。
轉載自：https://m.eprice.com.hk/mobile/talk/3146/217266/1/