有線電視新聞部今日大裁員，新聞可能真係「無價」，高層嚟睇「無價值」Cut 走最強嘅記者，但卻有錢投資 MVNO 手機台業務。市場有傳，本來今日 1/12 會宣佈推出自家手機台，但結果變咗先裁員。不過，加陣攪到全城瘋傳 Cut 有線方法，佢哋短時間內再出手機台 Plan，會有人用嗎？
有線電視賣手機月費計劃，早兩年都分享過，但其實佢哋係幫中國移動香港賣 Plan。而根據市場消息指，今次有線寬頻會跟香港寬頻一樣，用 MVNO 流動虛擬網絡商方式，推出手機月費服務，而網絡宿主會係中國移動香港 CMHK。據知，佢哋暫時只會推出 4.5 服務，並會以全港最平月費為賣點。
本來，有線打算今日，即 12 月 1 日推出服務，可能因為今日新聞部裁員事件，手機台將會延遲至最快聽日，即 12 月 2 日推出市場。不過，大家對於今日有線電視新聞部今日大裁員消息嘅評價都比較負面，唔知佢哋會否再推遲推出服務嘅時間呢？
轉載自：https://m.eprice.com.hk/mobile/talk/3148/217288/1/