爭第一，人人爭第一！早前 csl. 搶先宣佈 5G 會係四月開台；SmarTone 更喺業績裡面，透露咗 Coverage Map。今日 3 香港都開咗一場網上記者會，搶先公佈咗 4 月 1 日開台！有埋月費，有埋大埔等區「結界」解決方法，仲有免費升級至 100GB 數據。
▲ 因為武漢肺炎，3 香港都取消了記者會，改為網上記者會。由記者喺電腦打問題。三個代表包括（左起）和記電訊香港控股有限公司執行董事及行政總裁古星輝、和記電訊（香港）有限公司技術總裁鍾耀文及和記電訊（香港）有限公司個人市場副總裁邱子恩。
▲ 呢張就係 ３香港嘅初期 5G 覆蓋圖，紅點就係 5G 覆蓋點，藍點就是用現時 3G 網絡頻段改為 5G。3 香港表示，會將現時 2100 頻段，係大埔及港島南區使用，呢 D 地方，本來係 5G 「結界」裡面，提供唔到 5G 服務，但因為咁，呢ｄ地方未來都會有 5G 訊號。３香港表示，會以 10 或 20MHz 2100 頻段，由本來畀 3G 網絡用，改為給予 5G 使用。
▲ 3 香港 5G 數據，會有 100GB 每月用量起跳。
▲ 留意嘅係，未來係 5G 網絡，都會加入 Net+ 網絡優先使用嘅增值服務，另有加線無限上網。而 Net+ 2.0 會係 Lantency 部份，都可以做到極快，但推出日期未定，會係未來嘅發展方向。
▲ 5G SIM Only 計劃嘅月費，由 $388 100GB 起跳。(按呢度對比一下 csl. 續約 5G 計劃嘅收費，其實平過 3HK 呢個標準計劃）
▲買機上台計，高達九百蚊月費，但會送手機現金劵讓你升級。
▲ 預計會有七間手機廠提供 5G 手機。
▲ 3 香港 5G 服務會以「5G OneWorld」作為口號，並係 2020 年 4 月 1 日推出。
▲ 3 香港嘅 Samsung Galaxy S20 系列出機計劃，會係 4 月 1 日免費升級支援 5G 及有 100GB 數據。留意嘅係 100GB 數據就算係 4G 網絡都可以用，即係 GB 數會多咗好多。
▲ 早前版主測試過 3 香港嘅 Net+服務，唔知係乜，大家可以 Click 呢度。事實上，早前 iPhone 11 開賣，唔少 iPhone 用家買機上台已經送咗呢個服務。好消息係，係 4 月 1 日，會自動升級至 100GB 數據，仲同時開啟埋 5G 服務，等到下一代 5G iPhone 推出，買機即用，仲有大量數據。
https://m.eprice.com.hk/mobile/talk/3146/215361/1/