記得早前喺 Clubhouse 開房 (按入連結聽重溫)，傾過有網絡商話有一百萬 5G 客，但有台下聽眾表示，都係派SIM 派返嚟，根本加陣用 5G 感受同用 4G 差唔多。對家話自己一百萬 5G 客，望下自己有無先？真係無？出大絕囉，旗下集團有 Mirror 喎，當然用佢哋出 Plan。出還出，價就無加，但又無得減。110GB 計劃，仲要 $398 蚊，但送一堆鏡仔禮品。你係鏡仔 Fans 應該會衝，香港有幾多人肯？我唔係，我唔會。
今次 csl 推出的 Mirror 計劃，其實以計劃嚟計，只不過根據 csl 本身 5G 計劃定出嚟，沒有大修改，主要有兩個 HK$298 (未包 $18 行政費) 由本身 12GB 計劃，提升至 30GB，而過 110GB 用量嘅 Plan，都要 HK$398 （未包 $18 行政費）由本身 80GB 每月用量，升級至 110GB。以 Plan 論 Plan ，其實沒有減幅，只送多左 Data。
當然，叫得做 Mirror Plan 就有 Mirror 嘅嘢：有閃卡 6 張，有 Mirror 樣嘅 SIM Cover， 有鏡仔海報，Calednar ，仲有 Viu 同 Moov 嘅獨有內容。Mirror 同 5G 技術關係，可能只係有鏡仔嘅 VR 內容，你要用 VR 眼鏡去睇咁囉，你唔連 WiFI，咪用 5G 咁囉。
轉自：https://m.eprice.com.hk/mobile/talk/3145/219061/1/