返工放工搭地鐵最怕就係「Load 空氣」，相又 Load 唔到，片又 Load 唔到，谷鬼氣。嚟到 2021 年年底，到底邊個台喺地鐵站嘅 5G 網絡表現最好呢？等 Qooah 記者為大家到 9 個地鐵站進行測試！
Qooah 記者喺下晝 5 點至夜晚 8 點呢段放工嘅繁忙時間去到鰂魚涌、北角、天后、銅鑼灣、金鐘、油麻地、旺角、葵芳及鑽石山，一共 9 個地鐵站進行測試，用上 iPhone 13 Pro 喺 App Store 下載唔同程式，比較一下唔同台嘅下車速度。
1. 鰂魚涌
檔案大小：799.5MB
喺鰂魚涌站嘅月台下載一個 799.5MB 嘅程式，SmarTone 只需要 17.78 秒就完成左下載，速度唔錯，網絡商 A 同網絡商 B 就旗鼓相當，分別以 20.94 秒、20.96 秒完成，網絡 C 超過 50 秒都未能完成下載，唔係咁掂。
2. 北角
檔案大小：799.5MB
去到北角站，同樣喺月台下載一個 799.5MB 嘅程式，SmarTone 以 0.09 秒嘅差距，用左 19.77 秒搶先網絡商 A 完成下載，網絡商 C 就用左 22.31 秒完成，過左 30 秒後網絡商 B 都仍然未能夠完成下載。
3. 天后
檔案大小：799.5MB
再去到天后站嘅月台下載同一個程式，SmarTone 繼續保持領先，以 20.55 秒嘅成續率先完成下車，網絡商 C 就超越左網絡商 A，以 22.74 秒完成，網絡商 A 就慢左唔少，要 31.68 秒先搞掂，網絡商 B 過左 50 秒都係未能完成下載，網速比較弱。
4. 銅鑼灣
檔案大小：799.5MB
沿路去到銅鑼灣站，都係下載番同一個程式，結果同之前差唔多，SmarTone 以最快嘅 21.90 秒作為首名完成，網絡商 C 就用左 22.74 秒，網絡商 A 用左 29.95 秒，網絡商 B 就好左少少，能夠喺 48.04 秒完成下載。
5. 金鐘
檔案大小：226.7MB
嚟到出名人多嘅金鐘站，下載 226.7MB 嘅程式，喺人多密集嘅地方，網絡表現難免會受到影響，不過 SmarTone 仍然保持住優勢，以 18.20 秒率先完成，比起第二名嘅網絡商 C 快成 10 秒，網絡商 B 就突然回勇，用左 37.76 秒完成，網絡商 A 就超過左 50 秒都未能夠完成下載，睇黎網絡商 A 喺人多嘅地方就會慢左唔少。
6. 油麻地
檔案大小：178.5MB
喺油麻地站下載 178.5MB 嘅程式，SmarTone 唔使 10 秒，只需 9.60 秒就已經完成下載，速度好快，網絡商 C 就用左 12.36 秒，網絡商 A 用左 19.78 秒，網絡商 B 繼續保持頹勢，超過 30 秒都完成唔到下載
7. 旺角
檔案大小：255.8MB
嚟到相當多人嘅旺角站，下載一個 255.7MB 嘅程式，雖然人流都係比較多，但網絡速度比金鐘站穩定唔少，SmarTone 好快咁用 8.55 秒就極速完成下載，網絡商 C 同網絡商 A 都只係用左 10.20 秒同 11.60 就完成下載，網絡商 B 仍然都係未能喺 30 秒內完成。
8. 葵芳
檔案大小：421.8MB
喺葵芳站，下載 421.8MB 嘅程式，SmarTone 只需要 11.96 秒就完成，一轉眼間就搞掂，網絡商 A 就用左 14.51 秒完成，網絡商 C 表現回落，要 20.23 秒先完成到，網絡商 B 依然都係完成唔到。
9. 鑽石山
檔案大小：349.3MB
去到最後嘅鑽石山站，下載 349.3MB 嘅程式，SmarTone 去到最後都好穩定咁以最快嘅速度完成，僅 7.77 秒已經完成下載，速度勁快，網絡商 A 同網絡商 C 就分別以 14.71 秒及 15.63 秒完成，表現都算係咁，網絡商 B 都係要好耐先完成到。
除左下載應用程式之外，亦都為大家試下喺地鐵站入面透過 SmarTone 5G 網絡進行視像通話、打機同睇串流影片嘅使用體驗係點。
喺油塘站用《Zoom》進行視像通話，可以見到成個通話過程係非常之流暢，地鐵駛過嘅時候唔會窒下窒下，兩邊畫面入面地鐵停底嘅速度亦都相當同步，展示出 5G 網絡嘅超低延遲技術，畫面比 4G 網絡延遲更少。
喺鰂魚涌站玩《灌籃高手 SlamDunk》嘅 3vs3 線上多人遊玩模式，連線相當穩定，遊戲能夠即時對操作作出反應，畫面夠哂流暢。
喺葵芳站用《YouTube》睇一段 4K HDR 影片，切換至 2,160p，手機好快就已經 Load 哂成條片，即使跳去影片嘅後半部分，亦都可以即刻睇到，唔使再轉圈圈，向前或者向後 10 秒都能夠即時有反應，唔驚會窒住哂，睇片夠哂爽。
總結
試左咁多個港鐵站，SmarTone 嘅 5G 網絡表現最為突出，接收穩定，下載一啲比較大嘅遊戲都可以係 1 分鍾之內完成，幾百 MB 嘅程式就連 10 秒都唔使，相當之誇張，即使係視像通話、連線打機、串流睇片都暢通無阻，證明比大家睇 5G 網絡係幾咁快同穩定，延遲又少，係一眾打工仔嘅最佳選擇。而且 SmarTone 今年在頻譜方面增加了不少，特別於低頻段頻譜上的增幅令網絡於室內的覆蓋更廣泛，人均可用頻譜*係全港最多，每個客戶可使用的頻譜更多，速度就會更快更穩定，能夠獲得最佳嘅網絡體驗，相信日後仲會越來越好。
*人均可用頻譜是根據各網絡商頻譜總量除以客戶總數而得。5G服務供應商之客戶數目是參考其所發佈之最新業績報告及新聞稿。
轉自：https://hk.news.yahoo.com/四大網絡商對決-邊個台嘅-5g-喺地鐵站表現最好-075255389.html