衛訊推 W.E 手機 Plan $188 4.5G 無限數據、無限通話

香港有電訊牌照嘅網絡商來來去去果幾間相信大家都好熟悉,而近年就出現多左分銷商,以租網形式開劈新市場。繼 HKBN 租用 SmarTone 推出手機台後,手機專門店衛訊剛剛都宣佈同 3HK 合作,推出「W.E.全新流動通訊服務」。

衛訊賣手機就人人都知,而家佢地都玩埋手機上台服務。宣佈推出流動通訊服務,首先推出嘅係 $188 「4.5G 帶 SIM 上台月費計劃」,24個月合約包括: 5GB 4.5G 全速數據+其後數據任用+無限通話分鐘,如果係衛訊會員仲可以可豁免 $18 行政費,簡單直接唔洗左計右計。

當中數據任用並唔會限速度 128Kbps 地獄速度,而係跟據返網絡使用優先次序來分配上網資源,意思係可以繼續以 4.5G 速度上網,但有機會因上網資源分配較少而稍有影響上網體驗,變相其實就係無限數據。

發佈留言

發佈留言必須填寫的電子郵件地址不會公開。